Thursday, October 17, 2013

A view from the clouds

just_an_ordinary_flight_with_an_extraordinary_view_by_bayaboy

rooi k faahe, rakhe hue hai hawa me
reh reh k dehek rahe hai wo kal rat k koyale
sigri k dhua abhi hata nahi hai
naya din abhi hua nahi hai
rat ki thandak chadar ke karine se abhi bhi tapak rahi hai
tumhari yad abhi tak chati nahi hai

sannata kahi bana hua hai, beichaini kahi thami hui hai
unchaiee kaat nahi sakti, sachai  jo badal nahi sakti
kahaani ne mod aisa lia hai jaise kisine us kirdar ki maut ko see dia hai
kirdar wo aj bhi hai, karzdar tum aj bhi ho
par ab jald karz ka matlab nahi rahega, kyunki shayad ab us mol k astitv nahi rahega

baadal abhi bhi utne hi besharam hai, reh reh k rang badalte hai
poocho to kehte hai bebak ki mei wo nahi jisse tum kal mile the
kaise samjhau unhe mei; ki sirf roop aur vesh me tum nahi ho
uske andar jo tum ho shayad; ab tum samajjhte ho ki wo tum nahi ho

mei reh jata hu fir se meri kahani lekar, shuruat ko ek nae duhai dekar
kya badla tha ajtak jo ab badlega, kash aisa socha hota to kya kuch badla hota
ab neeche log dikhne lage hai , aur dikhne lage hai ghar aur sadke
kuch samay mei, mei bhi in logo me aur inki galio me hounga
par fir bhi waha badalte baadlo jaise log hoenge, aur hounga me is soch me
ki kab hoengi cheezein waisi jaisi chahi thi, kahani aisi jaisi likhi thi
rooi k faahe, rakhe hue hai hawa me
sigri k dhua abhi bhi hata nahi hai
---------------------------------------------------------------------------------------------------------------

A view from my planes window had me thinking of the beauty that I always see.
~Harsha

1 comment:

  1. Bhai yeh on the fly tha ya on the FLY tha .... KATIL

    ReplyDelete

You are important and whatever you do think counts a lot to me.Do empty your head.
In case of a lack of blogger account,scroll down for facebook account from where you can comment.

facebook

Conquered

The world is a stage

free counters

Interesting hmm

Blog Widget by LinkWithin